"Нешлис"

Идбагли иб: «Аллагьла
Дуравад Аллагь агу!»
Ну викIулра: «Неш ахIи,
ГьатIи цархIил неш агу!»

ШяхIрумачи мешути
ВяхІличирти ухънала,
Дукьби цаладиркулри
КъапулигIир нушала.

Илар наб неш гьархӀели
Гьунирииб хӀулкIули,
Яра, гIясириубли,
ЛихIи зуз-зузбирули.

Гьанна къапу чилилра
Axlен наб гьаргдирули,
Хъули айцIулра, уркIи
Саби гьалаксаурли.

Кьасиличир субхIянти
Сари хIляйрай, хумарли,
Нешли илди садирхъи.
Дуги-хӀери хӀеили.

ЦӀабилкьлизиб гьанна цIа
Чили абикьесара?
Ну ванаиъхIейубли,
ВяргIили калишара?

ГӀур Аллагьлизи балга
Наб чили баресара?
Дила бекI кIелра някъли
Чили хӀяршбаресара?

Таврализиб бихIуси
Кьуръан касира нуни,
Илала гьалар бурги
ГӀяшдурци имамтани.

Кьуръан бикӀар: «Аллагьла
Дуравад Аллагь агу!»
Ну викIусра: «Неш ахIи,
ГьатIи цархIил неш агу!»